Цырымонія ўзнагароджання лаўрэатаў Нацыянальнай тэатральнай прэміі прайшла ў Купалаўскім тэатры
11.11.202129 кастрычніка, Мінск /Кар. БЕЛТА/. Цырымонія ўзнагароджання пераможцаў VI Рэспубліканскага конкурсу тэатральнага мастацтва "Нацыянальная тэатральная прэмія" прайшла на сцэне Купалаўскага тэатра, перадае карэспандэнт БЕЛТА.
"Прыемна знаходзіцца ў гэтай зале, раздзяляць мінуты радасці і віншаваць з паспяховым і прыгожым завяршэннем конкурсу, - сказаў у час цырымоніі адкрыцця міністр культуры Анатоль Маркевіч. - Гэтай восенню гледачы спаўна змаглі адчуць цудоўныя дзействы, якія адбываліся на сцэнах нашай краіны. Беларускі тэатр заўсёды быў і застаецца для грамадства сапраўднай школай жыцця, месцам асветы і незабыўных эмоцый. Словы ўдзячнасці вам за вялікі талент, адданасць любімай справе. Вы сапраўды лекары душ чалавечых, выхоўваеце пачуцці кахання, дабрыні, міласэрнасці, культуру ўзаемаадносін паміж людзьмі. Мне выпаў гонар уручыць спецыяльныя прэміі, якія сімвалізуюць прызнанне вашага таленту і працавітасці".